工作內容：處理課程檔案、聯絡學生佮志工、維持課堂秩序

斯當時身為一个二年學生，有做通識課助教个機會，予我感覺真特別。雖罔過程當中有誠濟障礙佮挑戰，但是經過了一个學期，我感受著家己有學著較濟台語智識，文書處理能力mā有加強，是koh一个難忘个經驗。

工作內容：文獻筆記註解、相關資料整理

佇一年下學期个時陣，拄仔好有讀著一門外文系个語言學相關課程。彼陣發現家己對語言學研究愈來愈有興趣，就接受教授邀請，參與伊个研究計畫。計劃期間沓沓仔了解著別个國家个語言復振過程，予我袂少啟發。雖然後來因為學業上較無閒，無法度繼續做這个工課，毋koh我相信家己佇未來會當進一步研究、探索。

受訓項目：工程繪圖基礎訓練、電腦系統技術支援訓練

人生內底第一份實習工課。我本底是愛學CAD（電腦輔助設計）這類的物件，毋koh後來得著一个機會，通轉移去我較有興趣个技術支援部門。感謝我親切koh趣味个頭家佮同事kā我引tshuā，予我佇電腦應用技巧（譬如硬體安裝、系統最佳化）方面有進步。佇堅輝个彼段經歷有影難忘。